Washington D.C, 4 Shkurt 2014
Halim Hoti
Profesor Pllana dëshmon sërish në Kongresin Amerikan
Me rastin e vizitës së tij zyrtare, të Presidentit të Republikës së Shqipërisë, z.Bujar Nishani në Shtetet e Bashkuara të Amerikës, në Sallën e bukur të Kongresit Amerikan(numër 2255) për marrëdhënje me jashtë, mori pjesë edhe publicisti nga Kosova, Prof.dr.Nusret Pllana – i cili në shenjë mirënjohjeje dhe respekti për përkrahjen e fuqishme të Shteteve të Bashkuara të Amerikës dhënë popullit të shumëvuajtur e liridashës shqiptar dhe Ushtrisë Çlirimtare të Kosovës deri në fitoren e plotë të luftës së sajë të drejtë, ua dhuroi nga një libër të tijë (Terrori i Serbisë Pushtuese mbi Shqiptarët 1844-1999) ribotimin e pestë të plotësuar, të sajuar në shtatë gjuhë të huaja: shqip, anglisht, frengjisht, gjermanisht, turqisht, serbisht e maqedonisht- këtyre personaliteteve: Kongresmenit amerikan,z. Eliot Engel, Kongresmenit amerikan, z. Robert Aderholt, z.Grant Harris – Drejtor i Divizionit Europian të Bibliotekës Botërore të Kongresit Amerikan, Presidentit shqiptar, z.Bujar Nishani, Dr.Elez Biberit – Drejtor i Drejtorisë së përgjithshme të “Zërit të Amerikës në gjuhën shqipe”(VOA) dhe z.Avni Mustafa – Drejtor Ekzekutiv i Këshillit Kombëtar Shqiptaro-Amerikan.
Libri i Dr.Pllanës “Terrori I Serbisë Pushtuese mbi Shqiptarët 1844-1999” i cili në shtatorin e vitit 2012 ka marrë mirënjohje nga Biblioteka Botërore e Kongresit Amerikan, nga viti 2001 e deri më tani ka arritë të promovohet në qendrat kryesore europiane dhe botërore, si: Prishtinë, Tiranë, Shkup, Gjenevë, Cyrih, Lugano, Paris, Lion, Vjenë, Oslo, Stoklholm, Budapest, Jovik, Katovicë, Ankara, Stamboll, Bursa, Izmir, Romë, Shtutgart, Dortmund, Singen, Hechingen, Nyrnberg, Hamm, Heidelberg, Mynhen, Ludvigsburg, Heslingen, Phorzheim, Helsinki, Toronto, Berri, New York, Washington, Detroid, Melbourne, etj.
Më 21 mars 2014, do të promovohet në Bruksel – në shenjë respekti, të 15 vjetorit të Intervenimit humanitar dhe ushtarak të NATO-s në Kosovë.
