Fillon zyrtarisht 3G

Vodafone realizon video-thirrjen e parë zyrtare midis kryeministrit Sali Berisha dhe drejtorit të Përgjithshëm të Vodafone Albania, Haris Broumidis, me teknologjinë 3G.Kreu i qeverisë përgëzoi Vodafone Albania për fillimin e shërbimeve 3G të cilën ai e vlerësoi si një arritje shumë të rëndësishme për Shqipërinë dhe shqiptarët.

“Zoti Broumidis është një rast i madh për mua për t`ju uruar. Ky është një moment shumë i rëndësishëm në historinë e telekomunikacionit të vendit tim,por gjithashtu është një hap shumë i rëndësishëm në prioritetet dhe përpjekjet tona për Shqipërinë digjitale”, ka thënë kryeministri i cituar nga Ora News.

Drejtori i përgjithshëm i Vodafone Albania ka thënë se ky është një tjetër hap me rëndësi drejt konsolidimit të komunikimit. Me nxjerrjen ne treg te 3G në Tiranë dhe për 18 muaj në të gjithë territorin e vendit, Shqipëria hodhi një tjetër hap vendimtar drejt konsolidimit të urave te komunikimit të shoqërisë.

“Sot, jemi me afër konceptit te globalizimit ku largësia fizike është pothuajse inekzistente dhe sferat sociale zgjerohen me tej. Qe sot jemi një komunitet me i bashkuar”, ka thënë drejtori i Vodafone, e cila është e para kompani në Shqipëri që ofron shërbimin 3G.

Author: admin